Manipur gi Furupsinggi Mafamda Tangdu Leitabagi Paojel
Ref. No.: 20231225 Statement
Nongmaijing, 24th December, 2023
Nungsijaraba eereichasing,
2023 loisinlakpa aduga 2024 hourakpagi ari-anou kum-ol chayol asina yourakpa asida mayambu taramna khurumjari. Manipur gi luraba pungfam asida, Meitei Alliance na Manipur gi meeyam gi mafamda lingjel mannaba, tangdu leitaba amasung ngahong chak-hongba oirasanu haibagi thamoinunggi yaifa paojel pijari.
Eikhoigi nungsiraba Manipur asi tha nipal henna furupki yeikhailichat (disturbance) na lak-hattuna thamlakli haibasi Meitei Alliance thamoi sokna oojaba fangjei. Kanagumba nakpaklichat khutpu (sectarian force) kharana chattharakliba asiguba yeikhailichat asina maram oiduna eikhoi apunbana pamjariba tangdu leitaba amasung chaokhatpa haiba hiramsing asida achouba cheitheng pibiri.
Manpur asi, 1947 gi mayai oiba tangkak faobada mapung faraba meeyam ama (one people) amasung meeyam leingak (one republic) seminnabada saruk yaraklaba furupsinggi eetinfamni. Furup amatta tongan taba yaroi. Khudingmak furupsingna punsillaga semliba amatta oiba potpum-mapum (organic whole) amagi choithokfadraba (inseparable) tekchak ngaktani. Furup khudingmak chetsinnana mari leinei. Khaidoknaba yadana amana amaga mapal tangnei. Furupsing punna hotnaminnaba nattana furup amakhaktangna naitom leplaga mahak khakki oiba civil, political, economic, social, cultural, and spiritual manglansing mahei yaanba ngamloi. Nakpaklichat khutpu kharana tongan taba furupki kakhal semnanaba lallongda houjik chatthariba yeikhailichat asi hannangeidagi leirakliba, furupsinggi mari chetsinhanduna thamlakliba asengba potlam-fivam (objective) amasung pukning-fivam (subjective) singa tayonnei.
Potlum-cheitheng (grievances) kaya leiramba yai haina eikhoina khallabasu, madu amattasu furupki yeikhailichat na waroisin purakpa ngamloi. Yeikhailichat na potlum-cheitheng henna mara chetsin-gani amasung makha tahan-gani. Masi kannade. Eikhoina khanjei, madudi; atoppagi awa-potlum khangbiba, punsillaga wari sannaba, wakhal taminnaba amasung tangdu leitana hingminnanaba hotmaninnaba asi khaktana tung kuina chatnaba yaba waroisin ama purakpa ngamgani.
Ari-anou kum-ol chayol asina yourakpa asida, tangdu leitaba khunnai ama oiraknaba wari sannaminnaba amasung wakhal taminnabagi thoudang loubinanabagidamak furupki luchingbasing, akhang aheising amasung furupchasing gi mafamda fongdokchabani. Tangdu leitaba amasung ngahong chahongba Manipur ama puraknabagi maikeida nounouha lepminnabagi amasung yasinminnabagi yenning adu ari-anou kum-ol chayol asina purakpa oirasanu haina paojenjabani.
Thamoi sengna adomgi,
Convenor, Meitei Alliance